Հայաստանի ԱԳ նախարարը պաշտոնական այցով կմեկնի Եթովպիա
02.04.2019,
20:51
Ապրիլի 2-ից 4-ը ՀՀ ԱԳ նախարար Զոհրաբ Մնացականյանը պաշտոնական այցով կմեկնի Եթովպիա։
ԵՐԵՎԱՆ, 2 ապրիլի./ԱՌԿԱ/. Ապրիլի 2-ից 4-ը ՀՀ ԱԳ նախարար Զոհրաբ Մնացականյանը պաշտոնական այցով կմեկնի Եթովպիա, հայտնում է ԱԳՆ մամուլի ծառայությունը։
Այցի ընթացքում նախատեսվում է Զոհրաբ Մնացականյանի հանդիպումը եթովպահայ համայնքի ներկայացուցիչների հետ:
Ինչպես նշվում է հաղորդման մեջ, նախատեսված են նաև արտգործնխարարի հանդիպումները Եթովպիայի նախագահ Սահլե-Վորկ Զևդեի, ԱԳ պետնախարար Մարկոս Թեկլե Ռիկեի, ինչպես նաև մի շարք այլ պաշտոնյաների հետ:
ԱԳ նախարարը հանդիպումներ է ակնկալելու նաև Աֆրիկյան Միությունում և Աֆրիկայի հարցերով ՄԱԿ տնտեսական հանձնաժողովում: -0-
