Ավարտվեցին Հայաստանի կառավարության կառուցվածքի քննարկումները
08.02.2019,
14:12
Ավարտվեցին Հայաստանի կառավարության կառուցվածքի քննարկումները: Այս մասին վարչապետ Նիկոլ Փաշինյանը գրել է իր Facebook–ի էջում։
ԵՐԵՎԱՆ, 8 փետրվարի. /ԱՌԿԱ/. Ավարտվեցին Հայաստանի կառավարության կառուցվածքի քննարկումները: Այս մասին վարչապետ Նիկոլ Փաշինյանը գրել է իր Facebook–ի էջում։
Հայաստանում կլինի 12 նախարարություն:
«Վարչապետի աշխատակազմում կստեղծվի Սփյուռքի գործերի գլխավոր հանձնակատարի պաշտոն, ով կլինի վարչապետի ներկայացուցիչը Սփյուռքի հետ հարաբերություններում և վարչապետի անունից կհամակարգի կառավարության աշխատանքները սփյուռքի հետ հարաբերություններում»,– ասվում է վարչապետի գրառման մեջ։
Հունվարի 19–ին Հայաստանի նախագահ Արմեն Սարգսյանը հրամանագրեր է ստորագրել 12 նախարարների նշանակման մասին։ Սփյուռքի նախարարությունն այն գերատեսչությունների թվում է, որոնք ծրագրվում է լուծարել։ -0-
