Հայաստանի ու Պակիստանի ԱԳ նախարարները դիտարկում են դիվանագիտական հարաբերությունների հաստատման հարցը
29.08.2025,
16:00
Պակիստանի արտաքին գործերի նախարար Իսհակ Դարը տեղեկացրել է Հայաստանի արտաքին գործերի նախարար Արարատ Միրզոյանի հետ հեռախոսազրույցի մասին
ԵՐԵՎԱՆ, 29 օգոստոսի․/ԱՌԿԱ/․ Պակիստանի արտաքին գործերի նախարար Իսհակ Դարը տեղեկացրել է Հայաստանի արտաքին գործերի նախարար Արարատ Միրզոյանի հետ հեռախոսազրույցի մասին։
«Այսօր մենք ջերմ հեռախոսազրույց ունեցանք Հայաստանի արտաքին գործերի նախարար Արարատ Միրզոյանի հետ և պայմանավորվեցինք քննարկել Պակիստանի և Հայաստանի միջև դիվանագիտական հարաբերություններ հաստատելու հարցը», - գրել է Դարը իր X էջում։
Պակիստանը 30 տարի չի ճանաչել Հայաստանի անկախությունը և չի հաստատել դիվանագիտական հարաբերություններ։ Հայաստանի վարչապետ Նիկոլ Փաշինյանը 2023 թվականի նոյեմբերին հայտարարել էր, որ Ադրբեջանի հետ հարաբերությունների կարգավորումը կարող է նպաստել Պակիստանի հետ դիվանագիտական հարաբերությունների հաստատմանը։
