ՀՀ բնապահպանության նախկին նախարարը Կոտայքի մարզպետ նշանակվեց

ԵՐԵՎԱՆ, 8 մայիսի. /ԱՌԿԱ/. ՀՀ կառավարության որոշմամբ ՀՀ բնապահպանության նախկին նախարար Արամ Հարությունյանը նշանակվեց Կոտայքի մարզպետ:

2001 թվականից Կոտայքի մարզպետի պաշտոնը զբաղեցնող Կովալենկո Շահգալդյանը պաշտոնից ազատվել է սեփական դիմումի համաձայն:

Կառավարության մեկ այլ որոշման համաձայն` Արարատի մարզպետ է նշանակվել Ռուբիկ Աբրահամյանը։ Վարչապետ Հովիկ Աբրահամյանը շնորհավորեց երկու մարզպետներին, մաղթեց նրանց բեղմնավոր աշխատանք։

«Ցանկանում եմ նշել, որ Ռուբիկ Աբրահամյանն իմ բարեկամը չի»,– ասաց վարչապետը` նկատի ունենալով իր և մարզպետի նույն ազգանունների փաստը։-0-