ՊՆ-ում քննարկվել են խաղաղապահ առաքելության կազմակերպման և իրականացման հարցեր
11.11.2020,
17:30
ՊՆ-ում քննարկվել են խաղաղապահ առաքելության կազմակերպման և իրականացման հարցեր
ԵՐԵՎԱՆ, 11 նոյեմբերի./ԱՌԿԱ/. Նոյեմբերի 11-ին ՀՀ պաշտպանության նախարար Դավիթ Տոնոյանն ընդունել է Լեռնային Ղարաբաղի հակամարտության գոտում հրադադարի ռեժիմի վերահսկման նպատակով ժամանած ՌԴ խաղաղապահ զորակազմի հրամանատար, գեներալ-լեյտենանտ Ռուստամ Մուրադովին, հաղորդում է ՀՀ ՊՆ մամուլի ծառայությունը:
«ՀՀ պաշտպանության նախարար Դավիթ Տոնոյանը շնորհակալություն է հայտնել ՌԴ խաղաղապահ զորախմբի արագ կազմավորման և առաքելության ձևավորման համար, պատրաստակամություն հայտնել համակողմանի աջակցություն ցուցաբերել առաքելության ընթացքում»,- նշվում է հաղորդագրության մեջ:
Հանդիպման ժամանակ քննարկվել են խաղաղապահ ստորաբաժանման կողմից առաքելության կազմակերպման և իրականացման հարցեր:-0-
