ՊՆ–ն հերքում է․ ՀՀ ԶՈւ–ն կրակ չի բացել ադրբեջանական դիրքերի ուղղությամբ
05.03.2025,
14:39
ՀՀ ՊՆ–ն հերքում է Ադրբեջանի ապատեղեկատվությունը
ԵՐԵՎԱՆ, 5 մարտի․/ԱՌԿԱ/․ ՀՀ ՊՆ–ն հերքում է Ադրբեջանի ապատեղեկատվությունը։
«Ադրբեջանի ՊՆ հաղորդագրությունը, թե իբր մարտի 4-ին՝ ժամը 22։05-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը», – նշվում է ՊՆ–ի հաղորդագրության մեջ։
ՊՆ–ից հիշեցնում են, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։
