ՌԴ-ի պատմական ներգրավվածությունը Հարավային Կովկասում թելադրում է իրադարձություններին մասնակցելու անհրաժեշտությունը. Պուտին
ԵՐԵՎԱՆ, 19 օգոստոսի․/ԱՌԿԱ/. Մոսկվան պատրաստ է մասնակցել Բաքվի և Երևանի միջև հարաբերությունների կարգավորմանը այն չափով, որքանով կպահանջեն երկու կողմերը։ Այս մասին tass.ru-ի փոխանցմամբ հայտարարել է ՌԴ նախագահ Վլադիմիր Պուտինը՝ Իլհամ Ալիևի հետ նեղ ձևաչափով բանակցությունների ժամանակ։
«Մենք դեռ երեկ ձեզ հետ անդրադարձանք այս թեմային, այսօր կշարունակենք։ Դա վերաբերում է Հարավային Կովկասում իրավիճակի կարգավորմանը։ Պարզ է և բոլորին հայտնի է, որ Ռուսաստանը նույնպես ճգնաժամերի է առնչվում, այդ թվում՝ առաջին հերթին ուկրաինական ուղղությամբ, բայց Հարավային Կովկասում Ռուսաստանի պատմական ներգրավվածությունը վերջին մի քանի տարիներին թելադրում է այդ իրադարձություններին մասնակցելու անհրաժեշտությունը, իհարկե, այն չափով, որքանով կողմերը կպահանջեն»,- ասել է Պուտինը։
Նշենք, որ ՌԴ նախագահ Վլադիմիր Պուտինը երեկ պետական այցով մեկնել էր Բաքու։
