Պուտինը գնահատել է ՀՀ-ի և Ադրբեջանի միջև խաղաղության համաձայնագրի ստորագրման հնարավորությունը
19.08.2024,
14:06
Պուտինը հայտնել է, որ Ռուսաստանն ուրախ կլինի, եթե կարողանա ինչ-որ բան անել խաղաղության համաձայնագրի ստորագրման հարցում
ԵՐԵՎԱՆ, 19 օգոստոսի․/ԱՌԿԱ/. Մոսկվան ուրախ կլինի, եթե կարողանա ինչ-որ բան անել խաղաղության համաձայնագրի ստորագրման համար։ Այս մասին tass.ru-ի փոխանցմամբ ասել է ՌԴ նախագահ Վլադիմիր Պուտինը։
«Եթե մենք կարողանանք ինչ-որ բան անել, որպեսզի հասնենք խաղաղության համաձայնագրի ստորագրմանը, հարցը հասցնենք սահմանի սահմանագծմանը և սահմանազատմանը... մենք շատ ուրախ կլինենք դրա համար»,- ասել է Պուտինը Ադրբեջանի նախագահ Իլհամ Ալիևի հետ բանակցությունների ժամանակ։
Նշենք, որ ՌԴ նախագահ Վլադիմիր Պուտինը երեկ պետական այցով մեկնել էր Բաքու։
