Ռուսաստանը երբեք Հայաստանի համար չի խաղացել այնպիսի դեր, ինչպիսին Թուրքիան` Ադրբեջանի համար. ՀՀ նախագահ
ԵՐԵՎԱՆ, 8 ապրիլի. /ԱՌԿԱ/. Ռուսաստանը երբեք Հայաստանի համար չի խաղացել այնպիսի դեր, ինչպիսին Թուրքիան` Ադրբեջանի համար, գերմանական Deutsche Welle պարբերականին տված հարցազրույցում ասել է Հայաստանի նախագահ Սերժ Սարգսյանը։
Նա նշել է, որ երբեք չի ասել, թե Ռուսաստանը Հայաստանի հովանավորն է, և որ առհասարակ որևէ երկիր եղել կամ կարող է լինել նրա հովանավորը։
Նա միաժամանակ ավելացրել է, որ Ռուսաստանի կողմից Հայաստանի վրա Եվրասիական տնտեսական միությանն անդամակցելու հարցում որևէ ճնշում չի եղել։
«Մենք առաջնորդվել ենք տնտեսական նպատակահարմարությամբ։ Ռուսաստանը մեր գլխավոր շուկան և մեր խոշորագույն առևտրային գործընկերն է։ Ռուսաստանից մենք ստանում ենք բոլոր էներգակիրներն ու այլ ռեսուրսներ։ Ռուսաստանը մեզ ԵՏՄ շրջանակում շատ շահեկան պայմաններ առաջարկեց` իր բոլոր ապրանքների համար 30 տոկոսանոց զեղչ տրամադրելով։ Իմ սկզբունքն է` ընդունել որոշումներ, որոնք կարող են իրագործվել»,– ասել է նախագահը։ -0-
