Սարգսյանը Հայ Առաքելական Եկեղեցու Կաթողիկոսների հետ քննարկել է սիրիահայերին օգնություն ցուցաբերելու հարցերը
30.08.2013,
19:14
Հայաստանի նախագահ Սերժ Սարգսյանն ուրբաթ հեռախոսազրույց է ունեցել Ամենայն Հայոց Գարեգին Բ Կաթողիկոսի և Մեծի Տանն Կիլիկիո Արամ Ա Կաթողիկոսի հետ, որի ընթացքում քննարկվել են սիրիահայերին օգնություն ցուցաբերելու հարցերը, հաղորդում է պետության ղեկավարի մամուլի ծառայությունը։
ԵՐԵՎԱՆ, 30 օգոստոսի. /ԱՌԿԱ/. Հայաստանի նախագահ Սերժ Սարգսյանն ուրբաթ հեռախոսազրույց է ունեցել Ամենայն Հայոց Գարեգին Բ Կաթողիկոսի և Մեծի Տանն Կիլիկիո Արամ Ա Կաթողիկոսի հետ, որի ընթացքում քննարկվել են սիրիահայերին օգնություն ցուցաբերելու հարցերը, հաղորդում է պետության ղեկավարի մամուլի ծառայությունը։
Քննարկվել են նաև Սիրիայի շուրջ ստեղծված իրավիճակում սիրիահայ համայնքի և ՀՀ դիվանագիտական ներկայացուցչության աշխատակիցների անվտանգությանն առնչվող հարցեր:
«Զրուցակիցները քննության են առել ուժերը համախմբելու, առկա լարված և վատթարացող հումանիտար իրավիճակում տագնապալի օրեր ապրող սիրիահայ մեր կարիքավոր եղբայրներին ու քույրերին համակարգված սատարելու և նրանց հնարավոր առավելագույն աջակցություն ցուցաբերելու ուղիները»,– նշվում է հաղորդագրության մեջ։
Սիրիայի հայ համայնքը մինչև վերջին ժամանակները շուրջ 100 հազար մարդուց էր բաղկացած, ովքեր զգալի դեր էին խաղում Սիրիայի սոցիալական, քաղաքական և մշակութային կյանքում։ Սիրիայում տիրող լարված ռազմաքաղաքական իրավիճակի հետևանքով հայերի արտահոսք է սկսվել դեպի պատմական հայրենիք։ -–0–-
Քննարկվել են նաև Սիրիայի շուրջ ստեղծված իրավիճակում սիրիահայ համայնքի և ՀՀ դիվանագիտական ներկայացուցչության աշխատակիցների անվտանգությանն առնչվող հարցեր:
«Զրուցակիցները քննության են առել ուժերը համախմբելու, առկա լարված և վատթարացող հումանիտար իրավիճակում տագնապալի օրեր ապրող սիրիահայ մեր կարիքավոր եղբայրներին ու քույրերին համակարգված սատարելու և նրանց հնարավոր առավելագույն աջակցություն ցուցաբերելու ուղիները»,– նշվում է հաղորդագրության մեջ։
Սիրիայի հայ համայնքը մինչև վերջին ժամանակները շուրջ 100 հազար մարդուց էր բաղկացած, ովքեր զգալի դեր էին խաղում Սիրիայի սոցիալական, քաղաքական և մշակութային կյանքում։ Սիրիայում տիրող լարված ռազմաքաղաքական իրավիճակի հետևանքով հայերի արտահոսք է սկսվել դեպի պատմական հայրենիք։ -–0–-
