Սիրիայի բանակը երկրի հարավում գտնվող ռազմավարական նշանակության քաղաք է գրավել
26.01.2016,
11:51
Սիրիական բանակը երկուշաբթի դաժան մարտերից հետո գրոհայիններից կարողացել է հետ ստանալ Դեռաա հարավային գավառի Շեյխ Միսկին ռազմավարական նշանակության քաղաքը:
ԵՐԵՎԱՆ, 26 հունվարի. /ԱՌԿԱ – Նովոստի–Արմենիա/. Սիրիական բանակը երկուշաբթի դաժան մարտերից հետո գրոհայիններից կարողացել է հետ ստանալ Դեռաա հարավային գավառի Շեյխ Միսկին ռազմավարական նշանակության քաղաքը, գրում է Ռոյթերսը` հղում անելով Սիրիայի մարդու իրավունքների կենտրոնին։
Այս պահին ռազմական գործողությունները շարունակվում են Շեյխ Միսկինի հարակից վայրերում։
«Քաղաքը չափազանց կարևոր է հակամարտության յուրաքանչյուր կողմի համար։ Զավթելով Շեյխ Միսկինը` իշխանությունները փակել են հաղորդակցման ճանապարհները Դեռաա գավառի հարավային և արևմտյան մասերի միջև»,– հայտնել է իրավապաշտպան կազմակերպության ղեկավար Ռամի Աբդուլռահմանը, հաղորդում է ՌԻԱ Նովոստին։
Նա նշել է, որ քաղաքի ավերածությունները հսկայական են։ -0-
