Վաղը Հայաստան-Թուրքիա սահմանին տեղի կունենա հատուկ ներկայացուցիչների 5-րդ հանդիպումը. ԱԳՆ
29.07.2024,
13:49
Սերդար Քըլըչն ու Ռուբեն Ռուբինյանը հանդիպելու են, առավոտյան` Հայաստանի, կեսօրին էլ Թուրքիայի տարածքում
ԵՐԵՎԱՆ, 29 հուլիսի․/ԱՌԿԱ/․ Հուլիսի 30-ին Հայաստան-Թուրքիա սահմանին տեղի կունենա հատուկ ներկայացուցիչների 5-րդ հանդիպումը։
Այս մասին հայտնել է ՀՀ ԱԳՆ մամուլի քարտուղար Անի Բադալյանը Facebook–յան իր էջում։
Ինչպես ավելի վաղ հայտնում էին հայկական ԶԼՄ–ները, հղում անելով թուրքական աղբյուրներին, վաղը Հայաստան-Թուրքիա հարաբերությունների կարգավորման նպատակով նշանակված հատուկ ներկայացուցիչներ Սերդար Քըլըչն ու Ռուբեն Ռուբինյանը հանդիպելու են, առավոտյան` Հայաստանի, կեսօրին էլ Թուրքիայի տարածքում։
