«Ժառանգություն» կուսակցության առաջնորդ Րաֆֆի Հովհաննիսյանը մանդատը վայր դնելու մասին դիմում է ներկայացրել

ԵՐԵՎԱՆ, 10 սեպտեմբերի. /ԱՌԿԱ/. «Ժառանգություն» կուսակցության առաջնորդ Րաֆֆի Հովհաննիսյանը մանդատը վայր դնելու մասին դիմում է ներկայացրել, հաղորդում է «Նովոստի–Արմենիան»։

Հովհաննիսյանի դիմումը հինգերորդ գումարման խորհրդարանի նոր նստաշրջանի հերթական նիստում ընթերցեց հայկական խորհրդարանի խոսնակ Հովիկ Աբրահամյանը։

«Եթե 15 օրվա ընթացքում Հովհաննիսյանը հետ չկանչի իր դիմումը, ապա նրա պատգամավորական լիազորությունները վայր կդրվեն»,– ասաց խոսնակը։

«Ժառանգություն» խմբակցությունը, որի կազմում են «Ազատ դեմոկրատներ» և «Ժառանգություն» կուսակցությունների ներկայացուցիչները, ներկայացված է հինգ պատգամավորներով։ -0-