119 հազար անապահով ընտանիք 3-ական շիշ արևածաղկի բուսայուղ կստանա

ԵՐԵՎԱՆ, 24 մայիսի. /Նովոստի-Արմենիա/. ՀՀ կառավարությունը մայիսի 24-ին որոշում է կայացրել ընտանիքների անապահովության գնահատման համակարգում հաշվառված և անապահովության «0» միավորից բարձր միավոր ունեցող 119 հազար անապահով ընտանիքի 3-ական շիշ արևածաղկի ձեթ տրամադրելու մասին։

Ինչպես նշեց ՀՀ Աշխատանքի և սոցիալական հարցերի նախարար Արթուր Գրիգորյանը, ՀՀ մարզերի առաջնահերթ լուծում պահանջող հիմնախնդիրների լուծման ուղղությամբ իրականացվելիք աշխատանքների համար կառավարությունն իր պահուստային ֆոնդից հատկացրել է ավելի քան 10 մլրդ դրամ։ -0-