2025թ․–ին պետբյուջեից ՊՆ–ի կողմից իրականացվող 5 ծրագրերով կհատկացվի շուրջ 665մլրդ դրամ․ Պապիկյան
ԵՐԵՎԱՆ, 13 նոյեմբերի․/ԱՌԿԱ/․ 2025 թվականի պետական բյուջեից ՀՀ պաշտպանության նախարարության կողմից իրականացվող թվով 5 ծրագրերով նախատեսվում է հատկացնել 664 միլիարդ 653 միլիոն 454 հազար դրամ, ԱԺ-ում այս մասին հայտարարեց պաշտպանության նախարար Սուրեն Պապիկյանը:
«Գայթակղությունը մեծ է համեմատական տանել նախորդ տարիների պաշտպանական բյուջեների ու 2025 թվականի միջև, բայց ես այդ դաշտ հիմա չեմ մտնի, կխնդրեմ ցուցանիշներին ինքներդ հետևեք ու դատողություններ անեք»,- ասաց նա:
Նախարարի խոսքով` ՀՀ զինված ուժերում արմատական բարեփոխումների իրականացման հիմնական ուղենիշների սահմանման նպատակով մշակվել ու Անվտանգության խորհրդի որոշմամբ հավանության է արժանացել «Բանակի կերպափոխման հայեցակարգը»:
Հայեցակարգը բաղկացած է հետևյալ բաժիններից` անցում արհեստավարժ բանակի, այստեղ խոսք է գնում նաև պրոֆեսիոնալ սերժանտական համակարգի մասին, Զինված ուժերի կազմակերպական ու հաստիքային կառուցվածքի բարելավում, այն ենթադրում է սպայական ու պայմանագրային զինծառայողների աշխատավարձի բարելավման ծրագիր:
