ԱԱԾ նախկին տնօրենի մարմնի վրա բռնության հետքեր չեն հայտնաբերվել. ՔԿ
20.01.2020,
16:27
ՀՀ ԱԱԾ նախկին տնօրեն Գեորգի Կուտոյանի մարմնի վրա բռնության հետքեր չեն հայտնաբերվել
ԵՐԵՎԱՆ, 20 հունվարի./ԱՌԿԱ/. ՀՀ ԱԱԾ նախկին տնօրեն Գեորգի Կուտոյանի մարմնի վրա բռնության հետքեր չեն հայտնաբերվել։
Այս մասին հաղորդում է «Նովոստի–Արմենիա» գործակալությունը` հղում անելով Հայաստանի քննչական կոմիտեի տեղեկատվության և հասարակայնության հետ կապերի պետ Նաիրա Հարությունյանին։
Հարությունյանը նաև տեղեկացրեց, որ Կուտոյանի մահվան հանգամանքները պարզելու համար նշանակված են մի շարք փորձաքննություններ, որոնց արդյունքները ստանալուց հետո Քննչական կոմիտեն հանդես կգա հայտարարությամբ։
Հիշեցնենք, որ հունվարի 17–ին հայտնի է դարձել, որ Երևանի Պարույր Սևակի փողոցի բնակարաններից մեկում հայտնաբերվել է ԱԱԾ նախկին պետ Գեորգի Կուտոյանի դին՝ հրազենային վիրավորումով: ՔԿ–ի հաղորդմամբ, հարուցվել է քրեական գործ ինքնասպանությանը հասցնելու հատկանիշներով։–0–