ԱՆ. Հայաստանում կորոնավիրուսից առողջացածների թիվը հասել է 43-ի

ԵՐԵՎԱՆ, 3 ապրիլի./ԱՌԿԱ/. ՀՀ-ում կորոնավիրուսից առողջացել է ևս 10 մարդ: Այս մասին իր Facebook-յան էջում հայտնել է ՀՀ առողջապահության նախարար Արսեն Թորոսյանը:

«Երեկ օրվա ընթացքում ունեցել ենք 10 առողջացած` կրկնակի բացասական թեստով, ովքեր դուրս են գրվել բժշկական կենտրոններից: Առողջացածների ընդհանուր թիվը դարձավ 43»,- գրել է նա: 

Հայաստանում ապրիլի 2-ի դրությամբ գրանցվել է կորոնավիրուսով վարակման 663 դեպք։ Մինչ օրս գրանցված մահերի թիվը 7-ն է:–0–