ԱՆ–ն ներկայացրել է երեխաների մոտ վերին շնչուղիների սուր վիրուսայի ինֆեկցիայի ախտանիշերը
16.10.2023,
15:21
Կարևոր է հետևել երեխայի հիգիենայի կանոններին, ներառյալ` տան մակերեսների սանիտարական մշակում, հաճախակի օդափոխում, ծխախոտի ծխի ազդեցության բացառում
ԵՐԵՎԱՆ, 16 հոկտեմբերի./ԱՌԿԱ/. Երեխաների մոտ վերին շնչառական ուղիների սուր, ինքնաապաքինվող վիրուսային ինֆեկցիան հաճախ բնորոշում են «մրսածություն» (Common cold) ձևակերպմամբ, նշում է ՀՀ առողջապահության նախարարությունից։
Հիմնական դսևորվումներն են՝
- փռշտոց
- քթային շնչառության դժվարացում
- քթահոսություն
- կոկորդի ցավ
- հազ
- տենդ
- գլխացավ/մկանացավ
- ընդհանուր թուլություն։
Վերին շնչառական ուղիների սուր վիրուսային վարակները կարող են հարուցվել տարբեր վիրուսային հարուցիչներով, սակայն առավել հաճախ հանդիպողը ռինովիուսն է` իր 100-ից ավելի ենթատիպերով։
Կարևոր է հետևել երեխայի հիգիենայի կանոններին, ներառյալ` տան մակերեսների սանիտարական մշակում, հաճախակի օդափոխում, ծխախոտի ծխի ազդեցության բացառում:
Կարևոր է նաև տեղեկացված լինել վտանգի նշանների մասին, որոնց ի հայտ գալուն պես պետք է դիմել բուժօգնության`
- թուլություն (երեխան չի կարողանում խմել կամ ուտել),
- շնչառության հաճախացում և/կամ դժվարացում
- քնկոտություն,
- ցնցումներ,
- անզուսպ փսխումներ,արտահայտված գլխացավեր,
- ներքաշումներ, առկայության դեպքում՝ պուլսօքսիմետրիայի ցուցանիշի նվազում, այլ արտասովոր նշաններ:–0–
