Առաջին անգամ գործարկվում է ուղիղ չվերթ դեպի Սաուդյան Արաբիայի մայրաքաղաք Էր Ռիադ

ԵՐԵՎԱՆ, 16 հունիսի./ԱՌԿԱ/. Առաջին անգամ Երևանից գործարկվում են ուղիղ թռիչքներ դեպի Սաուդյան Արաբիայի մայրաքաղաք Էր Ռիադ, հաղորդում է «Զվարթնոց» միջազգային օդանավակայանը։

Սաուդյան Արաբիայի Flynas ավիաընկերությունը սույն թվականի հունիսի 21-ից կմեկնարկի Էր Ռիադ-Երևան - Էր Ռիադ երթուղով չվերթերը:

Թռիչքները կիրականացվեն շաբաթական 3 չվերթ հաճախականությամբ՝ յուրաքանչյուր չորեքշաբթի, ուրբաթ և կիրակի։–0–