Արցախի համար ֆրանսիական մարդասիրական բեռն ուղեկցում է Փարիզի քաղաքապետը, այն հասել է Սյունիք (ՖՈՏՈ)

ԵՐԵՎԱՆ, 30 օգոստոսի./ԱՌԿԱ/. Սյունիքի մարզպետ Ռոբերտ Ղուկասյանն այսօր Գորիսում Արցախի ԱԳ նախարար Սերգեյ Ղազարյանի և Գորիս համայնքի ղեկավար Առուշ Առուշանյանի հետ դիմավորել է Փարիզի քաղաքապետ Անն Իդալգոյին և նրա գլխավորած պատվիրակության անդամներին, հայտնում է ՀՀ Սյունիքի մարզպետի աշխատակազմը Facebook-յան իր էջում։

Անն Իդալգոն ուղեկցում է 10 բեռնատարներից բաղկացած շարասյունը, որը Արցախի համար նախատեսված հումանիտար օգնություն է հասցնում Կոռնիձոր։

Օգնությունը հատկացրել են Փարիզ քաղաքը, Իլ դը Ֆրանս, Օվերն-Ռոն-Ալպ, Օ դը Ֆրանս, Օքսիտանիա, Լուարի երկիր ռեգիոնները։-0-