Արսեն Թորոսյան. այսուհետ Հայաստանում ինսուլտի բուժումն անվճար է
ԵՐԵՎԱՆ, 31 հունվարի./ԱՌԿԱ/. Հայաստանում իշեմիկ ինսուլտի վիրահատությունները վաղվանից կկատարվեն պետպատվերի շրջանակում, հինգշաբթի կառավարության նիստին հայտարարեց ՀՀ առողջապահության նախարար Արսեն Թորոսյանը:
Ըստ նրա, փետրվարի 1-ից երկրում մեկնարկում է գլխուղեղի անոթների իշեմիկ ինսուլտի բուժման ծրագիրը, և վիրահատությունները կկատարվեն պետպատվերի շրջանակում:
«Պետպատվերը կիրականացվի երկու բժշկական հաստատություններում: Սուր իշեմիկ ինսուլտի ժամանակ կանցկացվի թրոմբոլիտիկ բուժում` (թերապիայի հատուկ միջոց` ուղղված օրանիզմից թրոմբների ոչնչացմանը և շտապ հեռացմանը) և ուղեղի անոթների ստենդավորում», - ասաց Թորոսյանը:
Նա նշեց, որ նման վիրահատության արժեքը կազմում է 1-4 մլն դրամ, սակայն Հայաստանում բժշկական ցուցումների առկայության դեպքում այն կանցկացվի անվճար:
Պետպատվերը կգործի Երևանի երկու հիվանդանոցներում` «Էրեբունի» և «Հերացի» թիվ 1 համալսարանական հիվանդանոցում, քանի որ այլ հիվանդանոցներում չկան համապատասխան պայմաններ:
