Ավինյան. այս պահին ունենք վթար էներգետիկ համակարգում, Երևանի ՋԷԿ-ը և Հրազդանի 5-րդ բլոկն անջատված են
ԵՐԵՎԱՆ, 10 հուլիսի./ԱՌԿԱ/. Այս պահին ունենք վթար էներգետիկ համակարգում, Facebook–յան էջում հայտնում է ՀՀ փոխվարչապետ Տիգրան Ավինյանը։
«Երևանի ՋԷԿ-ը և Հրազդանի 5-րդ բլոկն անջատված են։ Հանրապետությունով մեկ հնարավոր են անջատումներ։ Աշխատանքներ են տարվում, որպեսզի խնդիրը մինչև երեկոյան ժամը 7-ը կարգավորվի», – հայտնում է Ավինյանը։
Նշենք, որ վերջին մեկ ժամվա ընթացքում Երևանում նկատվում են էլեկտրաէներգիայի տատանումներ, որոնց պատճառները դեռ հայտնի չեն։Մասնավորապես, մայրաքաղաքի բազմաթիվ վարչական շրջաններում նկատվում են լարման տատանումներ, ինչպես նաև խախտված է ջրամատակարարումը, չեն աշխատում վճարային տերմինալները։
Չի աշխատում Երևանի մետրոպոլիտենը։ «Նովոստի–Արմենիա» գործակալության տվյալներով, մետրոյի որոշ կայարաններում տարհանում են ուղևորներին, որոշ կայարաններում էլ թույլ չեն տալիս մտնել մետրո։
Տեղում հերթապահում են ոստիկանության և Արտակարգ իրավիճակների նախարարության աշխատակիցները։–0–
