Ավինյանն առաջարկում է շլագբաումներ դնել և հանգստյան օրերին արգելել երթևեկությունը Հրազդանի կիրճում (ՎԻԴԵՈ)
ԵՐԵՎԱՆ, 6 նոյեմբերի․/ԱՌԿԱ/․ Հրազդանի կիրճում մարզվող քաղաքացիների անվտանգությունն ապահովելու և առողջ ապրելակերպը խթանելու նպատակով շաբաթ-կիրակի օրերին Հրազդանի կիրճում ավտոմեքենաների երթևեկությունն արգելելու հնարավորություն է պետք ստեղծել` առաջարկելով արգելքի կիրառման հատվածը, ժամերը և եղանակը:
Այս մասին այսօր ասաց Երևանի քաղաքապետ Տիգրան Ավինյանը հերթական գործակարգավարական խորհրդակցության ժամանակ:
«Սա մենք քննարկել ենք, տեղն էլ ֆիքսված է, ուղղակի պետք է իրականացնել: Նաև պետք է որոշակի հնարավորություններ ստեղծենք, եթե դրա կարիքը կա, նույնիսկ օրենսդրական, որ թաքնված շլագբաումներից կարողանանք դնել և հեռակառավարել, որովհետև շատ դեպքերում անընդհատ վարչարարությունն իրականացնելը ոչ էֆեկտիվ է, եթե կարելի է ուղղակի այդ օրերին ճանապարհը փակել»,- ասաց Ավինյանը:-0-
Ծանոթացեք լուրերին առաջինն ու քննարկեք դրանք մեր Telegram-ում
11:46 06.11.2023
