Գևորգ Կոստանյանի նկատմամբ հետախուզում է հայտարարվել. ՀՔԾ
28.11.2019,
21:11
Քննիչն արդեն միջնորդություն է ներկայացրել դատարան Կոստանյանի նկատմամբ որպես խափանման միջոց կալանքն ընտրելու համար
ԵՐԵՎԱՆ, 28 նոյեմբերի./ԱՌԿԱ/. Քրեական գործի շրջանակում որպես մեղադրյալ ներգրավված նախկին գլխավոր դատախազ, ԱԺ նախկին պատգամավոր Գևորգ Կոստանյանի նկատմամբ հետախուզում է հայտարարվել, հաղորդում է «Նովոստի–Արմենիա» գործակալությունը` հղում անելով ՀՔԾ մամուլի քարտուղար Մարինա Օհանջանյանին։
«ՀՀ քրեական դատավարության 203–րդ հոդվածի 1–ին մասին համապատասխան, Կոստանյանին առաջարկվել է 48 ժամում ներկայանալ վարույթն իրականացնող մարմին`մեղադրանք առաջադրելու համար, սակայն Կոստանյանը դա այդպես էլ չի արել», – նշել է Օհանջանյանը։
Նրա խոսքով, քննիչն արդեն միջնորդություն է ներկայացրել դատարան Կոստանյանի նկատմամբ որպես խափանման միջոց կալանքն ընտրելու համար։–0
