Հայաստանում կորոնավիրուսով բուժքույր է վարակվել

ԵՐԵՎԱՆ, 19 մարտի./ԱՌԿԱ/. Կորոնավիրուսային հիվանդությամբ հաստատված 115 դեպքից 1-ն արձանագրվել է բուժքրոջ մոտ, ով իր մասնագիտական առաքելությունն է իրականացրել, հայտնում է ՀՀ առողջապահության նախարար Արսեն Թորոսյանը Facebook–յան իր էջում:

«Վերջինս անմիջապես հոսպիտալացվել է, նրա վիճակը գնահատվում է բավարար, թոքաբորբ չունի։ Այս օրերին բուժաշխատողներն աշխատում են գերծանրաբեռնված` հաճախ հայտնվելով ռիսկային իրավիճակներում: Նրանք համարվում են վարակվելու ամենախոցելի խմբերից մեկը։ Խնդրում ենք հարգել նրանց աշխատանքը և մնալ տանը», – նշել է նախարարը:–0–