Հունվարի առաջին տասնօրյակին կլինի բացարձակ առանց տեղումների եղանակ․ Սուրենյան

ԵՐԵՎԱՆՎ, 30 դեկտեմբերի․/ԱՌԿԱ/․ Հունվարի առաջին տասնօրյակին կլինի բացարձակ առանց տեղումների եղանակ։ Հանրապետությունում հիմնական կգերակշռեն հարավ–արևտմյան տաք օդային հոսանքները, ասաց ՀՀ ՇՄՆ Հիդրոօդերևութաբանության և մոնիթորինգի կենտրոնի պետի տեղակալ Գագիկ Սուրենյանն այսօր ասուլիսի ժամանակ։

«Պարզ երկնքով պայմանավորված գիշերային ժամերին երկրի ողջ տարածքում կունենանք բացասական ջերմաստիճան, բայց ցերեկային ժամերին նույնիսկ լեռնային շրջաններում կգրանցվեն դրական ջերմաստիճաններ։ Մայրաքաղաքում գիշերային ժամերին հունվարի առաջին տասնօրյակում կգրանցվի -2 -4 աստիճան, իսկ ցերեկային ժամերին՝ 6-8 աստիճան տաքություն», – ասաց նա։

Նա ներկայացրեց մարզերում հունվարի առաջին տասնօրյակին սպասվող ջերմաստիճանը։

Այսպես, տաք օդի ալիքների դեպքում Շիրակում ջերմաստիճանը ցերեկային ժամերին կբարձրանա մինչև +3․․․+7 աստիճան, Կոտայքի լեռնային գոտիներում՝ +4․․․+7աստիճան, Կոտայքի նախալեռնային հատվածներում՝ +8․․․+10 աստիճան, Գեղարքունիքում +4․․․+8 աստիճան, Լոռիում՝ մինչև +12․․․+15 աստիճան, Տավուշում՝ +14․․․+18 աստիճան, Արագածոտնի լեռնային գոտիներում՝ +4․․․+7 աստիճան, Արագածոտնի նախալեռնային հատվածներում՝ +6․․․+10 աստիճան, Արարատյան դաշտավայրում՝ +9․․․+11 աստիճան, Վայոց Ձորի լեռնային գոտիներում՝ +4․․․+8 աստիճան, Վայոց Ձորի նախալեռնային գոտիներում՝ +10․․․+12 աստիճան, Սյունիքի հովտային գոտիներում՝ +16․․․+20 աստիճան, Սյունիքի նախալեռներում՝ +12․․․+16 աստիճան, Երևանում՝ +9․․․+11 աստիճան։

Սուրենյանն ընդգծեց, որ նման ջերմաստիճան կգրանցվի առանձին օրերին և տաք օդային հոսանքների ներխուժման դեպքում։

Նրա խոսքով, նվազագույն ջերմաստիճան կգրանցվի մոտ 1–2 օր ցուրտ օդային ալիքների ներխուժման դեպքում։ Այդ ժամանակ կգրանցվի հետևյալ ջերմաստիճանը․

Շիրակում՝ -14․․․-18 աստիճան

Կոտայքի լեռնային գոտիներ՝ -12․․․-16 աստիճան

Կոտայքի նախալեռնային հատվածներ՝ -7․․․-10 աստիճան

Գեղարքունիք՝ -14․․․-17 աստիճան

Լոռի՝ -11․․․-15 աստիճան

Տավուշ՝ -6 ․․․-10 աստիճան

Արագածոտնի լեռնային գոտիներ՝ -14 ․․․-17 աստիճան

Արագածոտնի նախալեռնային հատվածներ՝ -7․․․-10 աստիճան

Արարատյան դաշտավայր՝ -7․․․-10 աստիճան

Վայոց Ձորի լեռնային գոտիներ՝ -12 ․․․-15 աստիճան

Վայոց Ձորի նախալեռնային գոտիներ՝ -6․․․-10 աստիճան

Սյունիքի հովտային գոտիներ՝ -4․․․ շ-7 աստիճան

Սյունիքի նախալեռներ՝ -12․․․-15 աստիճան

Երևան՝ -8․․․-10 աստիճան։