Իսպանիայի վիզաների կենտրոնը վերսկսում է մուտքի արտոնագրերի տրամադրումը
13.07.2021,
14:10
Իսպանիա մուտք գործելիս պատվաստված լինելը պարտադիր չէ, բավարար է ներկայացնել ՊՇՌ թեստի բացասական արդյունքը
ԵՐԵՎԱՆ, 13 հուլիսի./ԱՌԿԱ/. Երևանում գործող Իսպանիայի վիզաների կենտրոնը վերսկսում է մուտքի արտոնագրերի տրամադրումը։
Այս մասին հայտնում է Իսպանիայում ՀՀ դեսպանությունը Facebook–յան իր էջում։
«Տեղեկացնում ենք, որ ս․թ․ հուլիսի 14-ից Երևանում գործող BLS International Armenia Իսպանիայի վիզաների կենտրոնը վերսկսում է մուտքի արտոնագրերի տրամադրումը Հայաստանից Իսպանիա մեկնել ցանկացող զբոսաշրջիկների համար։ Իսպանիա մուտք գործելիս պատվաստված լինելը պարտադիր չէ, բավարար է ներկայացնել ՊՇՌ թեստի բացասական արդյունքը», – նշվում է դեսպանության հաղորդագրության մեջ։–0–
