Կենսաթոշակների վճարման գործընթացը կսկսվի մայիսի 5-ից, այն իրականացվելու է շահառուների հաշվառման հասցեներով
04.05.2020,
15:17
Փոստային բաժանմունք գնալու անհրաժեշտություն չկա
ԵՐԵՎԱՆ, 4 մայիսի./ԱՌԿԱ/. 2020 թվականի մայիս ամսվա կենսաթոշակների վճարման գործընթացը կսկսվի մայիսի 5-ից, հայտնում են ՀՀ աշխատանքի և սոցիալական հարցերի նախարարությունից:
Հանրապետությունում ս.թ. մայիս ամսվա կենսաթոշակների (նպաստների) վճարումը մայիսի 5-ից կրկին իրականացվելու է շահառուների հաշվառման հասցեներով:
Փոստային բաժանմունք գնալու անհրաժեշտություն չկա:
«Այն շահառուներին, որոնց հնարավոր չի լինի կենսաթոշակի (նպաստի) վճարումն իրականացնել՝ շահառուի հաշվառման հասցեում չբնակվելու պատճառով, նրանց կենսաթոշակի (նպաստի) վճարումը կկազմակերպվի փոստային բաժանմունքներում ս.թ. մայիսի 11-ից՝ պահպանելով սոցիալական անվտանգության կանոնները», – նշվում է հաղորդագրության մեջ:–0–
