Մեկ ամիս կսահմանափակվի երթևեկությունը Երևանի որոշ խաչմերուկներում

ԵՐԵՎԱՆ, 23 հուլիսի․/ԱՌԿԱ/․ Մեկ ամիս փակ կլինեն Երևանի որոշ խաչմերուկներ։

Ճանապարհաշինարարական աշխատանքներով պայմանավորված հուլիսի 23-ից մինչև օգոստոսի 23-ը՝ ժամը 08:00-ից մինչև 20:00-ն փուլ առ փուլ միակողմանի փակ կլինի Սասունցի Դավթի փ. – Արցախի պ. խաչմերուկից մինչև Սասունցի Դավթի փ. – Ազատամարտիկների փ. խաչմերուկը ճանապարհահատվածը, այնուհետ՝ հակառակ ուղղությամբ, հայտնում են Երևանի քաղաքապետարանից։

Երթևեկությունն իրականացվելու է հանդիպակաց ուղղության երթևեկելի մեկ գոտու հաշվին:

Ավելի վաղ քաղաքապետարանից հայտնել էին, որ ճանապարհաշինարարական աշխատանքներով պայմանավորված՝ հուլիսի 22-ից մինչև օգոստոսի 22-ը՝ ժամը 08:00-ից մինչև 20:00-ն միակողմանի փակ է լինելու Լենինգրադյան փ. - Սեբաստիա փ. խաչմերուկից մինչև Լենինգրադյան փ. – Ծիծեռնակաբերդի խճ. հատում եղած ճանապարհահատվածները, այնուհետև հակառակ ուղղությամբ։

Ծանոթացեք լուրերին առաջինն ու քննարկեք դրանք մեր Telegram-ում

10:53 23.07.2024