Պաշտպանության նախարարը վաղ առավոտյան անակնկալ ստուգայցով եղել է ՊՆ զորամասերում (ՖՈՏՈ)

ԵՐԵՎԱՆ, 4 մայիսի./ԱՌԿԱ/. Մայիսի 4-ին վաղ առավոտյան անակնկալ ստուգայցով եղել եմ ՊՆ N զորամասերում։ Այս մասին Facebook–յան իր էջում հայտնել է պաշտպանության նախարար Սուրեն Պապիկյանը։

«Հրամանատարական կազմերի ուղեկցությամբ շրջել եմ զորամասերի տարածքով, հետևել օրվա կարգացուցակով սահմանված միջոցառումների իրականացման ընթացքին, զորանոցային պայմաններին և տվել համապատասխան հանձնարարականներ։ Ստուգայցի շրջանակում հանդիպել եմ նաև մարտական հերթապահության պատրաստվող ժամկետային զինծառայողների հետ», – նշել է Սուրենյանը:

Նա շրջել է զորամասերի տարածքում նոր կառուցվող շենք-շինություններում, հետևել շինարարական աշխատանքների ընթացքին: Այցելել է նաև առաջնագիծ, հետևել ինժեներական, դիրքերի կահավորման աշխատանքների ընթացքին:

Պապիկյանը զորամասեր կատարած այցի շրջանակում առանձնազրույցներ է ունեցել ՊՆ N զորամասի սպայակազմի հետ:

«Առանձնազրույցների ընթացքում անդրադարձել եմ ԶՈՒ մարտունակության բարձրացմանն ու կարգապահության ամրապնդմանն ուղղված աշխատանքներին, ինչպես նաև սպաների ծառայությանն առնչվող մի շարք հարցերի:

Սպաների հետ զրուցել եմ նաև նրանց սոցիալ-կենցաղային պայմանների շուրջ», – նշել է պաշտպանության նախարարը:

Նա վստահեցրել է, որ սպաների ծառայության արդյունավետության ու որակի բարձրացումը, նրանց սոցիալական ապահովության ուղղությամբ մի շարք ծրագրերի իրականացումը մշտապես գտնվում են ՀՀ ռազմաքաղաքական ղեկավարության ուշադրության կենտրոնում։–0–

Ծանոթացեք լուրերին առաջինն ու քննարկեք դրանք մեր Telegram-ում

14:27 04.05.2023