Քաղաքապետ. Երևանում կգործեն նոր ավտոբուսներ և երթուղիներ

ԵՐԵՎԱՆ, 12 փետրվարի./ԱՌԿԱ/. Երևանի քաղաքապետարանը կգնի ավտոբուսների նոր խմբաքանակ և կհայտարարի մեծ ավտոբուսների գնման տենդեր, ուրբաթ ասաց Երևանի քաղաքապետ Հայկ Մարությանն Ավագանու նիստի ժամանակ։

Երևանի Ավագանին ուրբաթ նիստի ժամանա որոշում է ընդունել վերաբաշխել մայրաքաղաքի 2021թ.–ի բյուջեն։«WYC անգլիական ընկերությունը նախագծել է ավտոբուսային նոր ցանց Երևանի համար, այն բավականին մեծ փաստաթուղթ է, որի համաձայն` նախատեսվում է, որ 

երկարության, մնացածը 12 և 18 մետրանոց։ Հիմա մենք հաստատում ենք 8,5 մետրանոց 161–րդ ավտոբուսի գնումը», – ասաց Մարությանը։

Մարությանի խոսքով, ավտոբուսները գնվելու են աստիճանաբար և հանձնվելու են շահագործման` միկրոավտոբուսներից ազատվելու համար, որոնք պրոբլեմատիկ են և անհարմար։

«7,5–8,5 մետրանոց նոր ավտոբուսները 95%–ով արտադրվում են Չինաստանում, բայց մեզ համար ավելի կարևոր են պարամետրերը, ոչ թե արտադրողը։ Մենք դրել ենք շատ բարձր պարամետրեր և կարող ենք հպարտությամբ ասել, որ շատ լավ գին ենք ստացել նման որակի ավտոբուսների համար։ Եթե լինեն մատակարարումներ, ապա դա կարելի է համարել քաղաքապետարանի լավագույն ձեռքբերումը», – ասաց Մարությանը։

Նա նշեց, որ նմանատիպ չինական ավտոբուսներ արդեն 9 տարի շահագործվում են Երևանում, դեռևս որևէ խնդիր չի եղել։

Քաղաքապետը տեղեկացրեց, որ մայրաքաղաքի բյուջեի միջոցներով գնմանը զուգահեռ կշարունակվի նաև ծրագիրը Վերակառուցման և զարգացման եվրոպական բանկի (ՎԶԵԲ) և կառավարության հետ։

Նա հիշեցրեց, որ ծրագրի շրջանակում արդեն մեկ անգամ տեղի չի ունեցել 12–մետրանոց 100 ավտոբուսների գնման տենդերը,  և այն կրկին կհայտարարվի մարտի 31–ին։

Նա նաև նշեց, որ քաղաքի տրանսպորտային ցանցի զարգացման շրջանակում փետրվարի 15–ից կբացվի նոր երթուղի` Երևանի կենտրոնով կսկսեն երթևեկել նոր, կոմպակտ ավտոբուսներ Ծարավ Աղբյուր փողոցից մինչև Երևանի ՋԷԿ։–0–