Ռուբեն Հայրապետյանն ազատ արձակվեց. նա ցույց տվեց զենք կրելու թույլտվությունը
04.02.2020,
20:00
Հայրապետյանն այսօր բերման էր ենթարկվել ապօրինի զենք–զինամթերք կրելու կասկածանքով
ԵՐԵՎԱՆ, 4 փետրվարի./ԱՌԿԱ/. ՀՖՖ նախկին նախագահ, նախկին պատգամավոր Ռուբեն Հայրապետյանը դուրս եկավ ոստիկանության բաժանմունքից և լրագրողներին ցույց տվեց զենք կրելու թույլտվությունը։
Հայրապետյանն այսօր բերման էր ենթարկվել ապօրինի զենք–զինամթերք կրելու կասկածանքով։
Նրա խոսքով, նա ունի մեկ մարտական զենք և երկու որսորդական հրացան։
Հայրապետյանը հայտարարեց, որ իրեն բերման ենթարկելը շոու էր, որի նպատակն էր վախեցնել իրեն և իր համակիրներին։–0–
