Սևան քաղաքի կարանտինը երկարաձգվել է մինչև հունիսի 10–ը

ԵՐԵՎԱՆ, 4 հունիսի./ԱՌԿԱ/. Պարետի որոշմամբ, Գեղարքունիքի մարզի Սևան քաղաքում հայտարարված մի շարք սահմանափակումների ժամկետը երկարաձգվել է։

Սահմանափակումները Սևանում գործում են մայիսի 25–ից։  Մասնավորապես, սահմանվել է համայնքի վարչական սահման մուտք գործելու և վարչական սահմաններից ելք կատարելու հատուկ ռեժիմ` արգելելով անձանց և տրանսպորտային միջոցների մուտքն ու ելքը՝ բացառությամբ առաջին անհրաժեշտության ապրանքների, պարագաների, սննդամթերքի, դեղորայքի, վառելիքի մատակարարման նպատակով տեղաշարժի։

Պարետի որոշման համաձայն, սահմանվել են Սևան համայնքում տնտեսական գործունեության տեսակների նկատմամբ կիրառվող ժամանակավոր սահմանափակումները:

Սահմանափակումների ժամկետը երկարաձգվել է մինչև հունիսի 10–ը ժամը 23։59–ը։

Որոշումն ուժի մեջ է մտել նախօրեին։–0–