Շուշիում մարտերը շարունակվում են, սպասեք ու հավատացեք մեր զորքին. ՊՆ
ԵՐԵՎԱՆ, 8 նոյեմբերի./ԱՌԿԱ/. Շուշիում մարտերը շարունակվում են, սպասեք ու հավատացեք մեր զորքին։
Այս մասին հայտնում է ՀՀ ՊՆ ներկայացուցիչ Արծրուն Հովհաննիսյանը:
Հիշեցնենք, որ վերջին օրերին համառ մարտեր են ընթանում Շուշիի մերձակայքում:
Ավելի վաղ, Արցախի ՊԲ-ն հայտնել էր, որ նոյեմբերի 7-ին և լույս 8-ի գիշերը համառ գործողություններ են ծավալվել Շուշիի մերձակայքում և հարավարևելյան հատվածում: ՊԲ ստորաբաժանումները թշնամուն հասցրել են թիրախային հարվածներ` հետ մղելով առաջխաղացման բազմակի փորձերը:
Տարբեր ուղղություններում ծավալված մարտերի ընթացքում ոչնչացվել է թշնամու մեծաթիվ կենդանի ուժ, 4 տանկ, 20 միավոր այլ զրահատեխնիկա, 11 միավոր ավտոտեխնիկա, 2 ԱԹՍ:
Լուսադեմին դիտարկվել են հակառակորդի տեխնիկայի և անձնակազմի կուտակումներ ճակատային գծի հարավարևելյան և հյուսիսարևելյան հատվածներում: -0-
