Երևան է ժամանել առաջին հումանիտար ինքնաթիռը Ֆրանսիայից (ՖՈՏՈ)
23.11.2020,
12:02
Ինքնաթիռը բժշկական սարքավորումներ ու դեղամիջոցներ է մատակարարել, ինչպես նաև առաջին անհրաժեշտության իրեր Լեռնային Ղարաբաղից տեղահանված անձանց համար, ովքեր այժմ գտնվում են Հայաստանում. ՖՈՏՈ
ԵՐԵՎԱՆ, 23 նոյեմբերի./ԱՌԿԱ/. Կիրակի օրը Երևան է ժամանել ֆրանսիական առաջին մարդասիրական չվերթը, որի մասին հայտնել է Ֆրանսիայի նախագահ Էմմանուել Մակրոնը: Այս մասին իր Facebook-յան էջում գրել է Հայաստանում Ֆրանսիայի դեսպան Ջոնաթան Լաքոթը:
Նրա խոսքով՝ ինքնաթիռը բժշկական սարքավորումներ ու դեղամիջոցներ է մատակարարել, ինչպես նաև առաջին անհրաժեշտության իրեր Լեռնային Ղարաբաղից տեղահանված անձանց համար, ովքեր այժմ գտնվում են Հայաստանում:
«Հաջորդ թռիչքը կժամանի նոյեմբերի 27-ին»,- գրել է Լաքոթը:–0–
