Երևանի Աշտարակի խճուղում կկատարվի երթևեկության կազմակերպման փոփոխություն
20.11.2020,
20:37
Երևանի Աշտարակի խճուղում կկատարվի երթևեկության կազմակերպման փոփոխություն
ԵՐԵՎԱՆ, 20 նոյեմբերի./ԱՌԿԱ/. Երթևեկության անվտանգության բարելավման և ճանապարհատրանսպորտային պատահարների նախականխման նպատակով 2020 թվականի նոյեմբերի 21-ին Երևան քաղաքի Աշտարակի խճուղում՝ «Վահագնի» թաղամասի մուտքի ճանապարհահատվածում առկա չկարգավորվող հետիոտնային անցման հատվածում կկատարվի երթևեկության կազմակերպման փոփոխություն, հաղորդում է ճանապարհային ոստիկանությունը:
Փոփոխության արդյունքում վերոնշյալ չկարգավորվող հետիոտնային անցման հատվածում կտեղակայվի «հետիոտնային կանչի» ռեժիմով աշխատող լուսացույցային օբյեկտ և տվյալ ճանապարհահատվածով տրանսպորտային միջոցների երթևեկության ու հետիոտնային անցումով հետիոտների տեղաշարժի հերթականությունը հետիոտների միջամտությամբ այսուհետ կկարգավորվի լուսացույցի ազդանշաններով:–0–
