Երևանը 1000 հատ մետաղական աղբաման է գնել (ՖՈՏՈ)

ԵՐԵՎԱՆ, 13 հունվարի./ԱՌԿԱ/. Այսօր Երևանի քաղաքապետարանի Facebook-յան էջում տեղադրվել են նոր ձեռք բերված աղբամանների լուսանկարները: Աղբամանները 1000 հատ են, և այս անգամ դրանք մետաղական են:

Իր հերթին Երևանի քաղաքապետարանի Տեղեկատվության և հասարակայնության հետ կապերի վարչության պետ Հովսեփ Կուբատյանը իր Facebook-յան էջում տեղադրել է նույն նկարները` հայտնելով դրանց արժեքը: Ըստ Կուբատյանի` մեկ աղբամանի գինը 138 հազար դրամ է, որից 23 հազարը ԱԱՀ-ն է:-0-