Սխալմամբ Կիևից Բաքու ուղարկված Հայաստանի քաղաքացուն Ուկրաինա են վերադարձրել

ԵՐԵՎԱՆ, 26 հուլիսի. /ԱՌԿԱ/. Հայաստանի քաղաքացի Ասատուր Խաչատրյանը, ով սխալմամբ Կիևի օդանավակայանից Երևանի փոխարեն ուղարկվել էր Բաքու, Ուկրաինա է վերադարձել «ՄԱՈՒ» ավիաընկերության 602 չվերթով, ասվում է Հայաստանի ԱԳՆ ֆեյսբուքյան էջում տեղադրված հաղորդագրությունում։

Նախօրեի երեկոյան հայկական ԶԼՄ–ներում տեղեկություն է հայտնվել այն մասին, որ հուլիսի 22–ին Ասատուր Խաչատրյանը ժամանել է Կիև, սակայն փաստաթղթերի հետ կապված խնդիրների պատճառով նրան չեն թողել երկիր, և հուլիսի 25–ին սխալմամբ ուղարկել են Ադրբեջան` Հայաստանի փոխարեն։ -0-