Երևանում կտաքանա մինչև 15 աստիճան մինչև շաբաթվա վերջ. Հայհիդրոմետկենտրոն

ԵՐԵՎԱՆ, 17 փետրվարի. /ԱՌԿԱ/. Օդի ջերմաստիճանը Երևանում մինչև ուրբաթ կտաքանա մինչև 15 աստիճան, տեղեկացնում է ԱԻՆ-ը` հղում անելով Հայհիդրոմետկենտրոնին։

Միաժամանակ, փետրվարի 21–ին օդի ջերմաստիճանը հայկական մայրաքաղաքում կհասնի շաբաթվա առավելագույն նիշի` 15 աստիճան տաքության, իսկ ցերեկվա միջին ջերմաստիճանը շաբաթվա ընթացքում կտատանվի 11-12 աստիճան տաքության սահմաններում։ Միաժամանակ, գիշերային ժամերին օդի ջերմաստիճանը կկազմի մեկ աստիճան ցրտից մինչև մեկ աստիճան տաքություն։

Հանրապետության տարածքում օդի ջերմաստիճանը փետրվարի 17–ի ցերեկը կնվազի 2-3 աստիճանով, իսկ այնուհետև աստիճանաբար կբարձրանա 4-5 աստիճանով։

Փետրվարի 17-21–ն ընկած ժամանակահատվածում Հայաստանի մարզերում և Երևանում ակնկալվում է առանց տեղումների եղանակ։ Քամին կլինի հարավ–արևմտյան` 2-5 մետր վայրկյան արագությամբ։

Այս պահին հայկական մայրաքաղաքում պարզ եղանակ է, սնդիկի սյունը ցույց է տալիս 5 աստիճան տաքություն։-0-