ՊԵԿ–ը 2023 թ․–ին հայտնաբերել է թմրամիջոցների և հոգեմետ նյութերի մաքսանենգության 373 դեպք․ արձանագրվել է էական աճ
ԵՐԵՎԱՆ, 23 հունվարի․/ԱՌԿԱ/․ ՀՀ ՊԵԿ մաքսանենգության դեմ պայքարի վարչությունը 2023 թվականին ևս հետևողական է եղել մաքսային իրավախախտումների դեմ պայքարում:
Նախորդ տարվա ընթացքում ՄԴՊՎ-ն հայտնաբերել է մաքսանենգության 393 դեպք, ինչը գերազանցում է 2022 թվականի ցուցանիշը` 11.97%-ով (2022-ին բացահայտվել է 351 իրավախախտում), հաղորդում է ՊԵԿ տեղեկատվության և հասարակայնության հետ կապերի բաժինը:
ՊԵԿ–ից հատկանշական են համարում, որ հանրապետությունում առավել շրջանառվող թմրամիջոցների բացահայտումների մասով արձանագրվել է էական աճ, ինչը վերջին տարիների բացահայտումների լավագույն ցուցանիշն է:
2023 թվականին, ընդհանուր առմամբ, հայտնաբերվել և արձանագրվել է թմրամիջոցների և հոգեմետ նյութերի մաքսանենգության 373 դեպք:
Առավել շրջանառվող թմրամիջոցների բացահայտումներն ըստ տարիների
Ծանոթացեք լուրերին առաջինն ու քննարկեք դրանք մեր Telegram-ում
15:30 23.01.2024
