Երևանում հոկտեմբերի 4–8–ը հնդկական յոթ արտադրողների ապրանքների տոնավաճառ կկազմակերպվի
ԵՐԵՎԱՆ, 3 հոկտեմբերի. /ԱՌԿԱ/. Հոկտեմբերի 4–8–ը Երևանի «Դինամո» մարզահամալիրի տարածքում հնդկական արտադրողների ապրանքների ցուցահանդես–վաճառք կկազմակերպվի, «ԱՌԿԱ» գործակալությանը տեղեկացրել է Հնդկական ապրանքների ցուցահանդես–վաճառքի կազմակերպչի օգնական Ջոն Էֆենդին։
20 տաղավարներում կներկայացվեն Հնդկաստանից բերված ապրանքներ` հագուստ, աքսեսուարներ, արծաթե զարդեր և բիժուտերիա, կիսաթանկարժեք քարեր, օծանելիք, հինա, փայտե իրեր և կահույք։
«Մեր տոնավաճառը վերջին տարիներին Երևանում անցկացվող հնդկական արտադրանքի ցուցահանդես–վաճառքի շարունակությունը չէ։ Մենք որոշել ենք առաջին անգամ հայ գնորդներին ներկայացնել 7 հնդկական արտադրողների ապրանքները», – ասել է Էֆենդին
Նրա խոսքերով` եթե տոնավաճառը հաջող անցնի, ապա արդեն հաջորդ տարվա ապրիլ–մայիսին կազմակերպիչները Հայաստան կբերեն արդեն 30 արտադրողների արտադրանք` ավելացնելով, որ այդ դեպքում նրանց կողմից ներկրված ապրանքների ներկրման ծավալը կարող է հասնել 500 հազար դոլարի։
Նա հայկական շուկան բավականին խոշոր է գնահատել և տեղեկացրել է, որ նման տոնավաճառներ են կազմակերպվում նաև Ռուսաստանում։
«Լավագույնը Հնդկաստանից» հնդկական ապրանքների առաջին ցուցահանդես–վաճառքը կազմակերպվել է Հայաստանում 2008 թ.–ին և անց է կացվել ամեն տարի մինչև 2011 թ.–ը։–0–
