Երևանում տեղի կունենա «Ողջույն Կենտրոնից» համերգային բազմաժանր ծրագիրը
26.08.2016,
14:12
«Երևանյան ամառ 2016» եռամսյա միջոցառումների ծրագրով Հյուսիսային պողոտայում կմեկնարկի «Ողջույն Կենտրոնից» խորագրով միջոցառումը:
ԵՐԵՎԱՆ, 26 օգոստոսի. /ԱՌԿԱ/. «Երևանյան ամառ 2016» եռամսյա միջոցառումների ծրագրով մայրաքաղաքի Կենտրոն վարչական շրջանում՝ Հյուսիսային պողոտայում, կմեկնարկի «Ողջույն Կենտրոնից» խորագրով միջոցառումը, հայտնում է քաղաքապետարանի մամուլի ծառայությունը։
Համերգային բազմաժանր ծրագիրը կուղեկցվի ուրախ երաժշտական և պարային համարներով, ինչպես նաև «Երևանի կրկես»-ի արտիստների` ակրոբատների, ծաղրածուների և աճպարարի հնարքներով:
Քաղաքապետարանից հիշեցնում են, որ «Երևանյան ամառ 2016»-ի շրջանակում միջոցառումներ են անցկացվել Երևանի բոլոր վարչական շրջաններում: -0-
