«Գառնի-Երևան» ջրատարի վթարի հետևանքով խոշոր ջրանջատում է նախատեսված Երևանում ու Արարատի մարզում

ԵՐԵՎԱՆ, 21 օգոստոսի. /ԱՌԿԱ/. Երևանում ու Արարատի մարզում խոշոր ջրանջատում է նախատեսված` «Գառնի-Երևան» ջրատարի վրա վթարի վերացման աշխատանքներով պայմանավորված։

Ինչպես հաղորդում է «Վեոլիա Ջուր» ընկերությունը, «Գառնի-Երևան» ջրատարի վրա վթարի վերացման աշխատանքներով պայմանավորված,  օգոստոսի 21-ին ժամը 11.00-ից մինչև օգոստոսի 22-ը ժամը 07.00-ն կդադարեցվի հետևյալ տարածքների ջրամատակարարումը.

·​ Նուբարաշեն վարչական շրջան՝ ամբողջությամբ,

·​ Էրեբունի վարչական շրջան` բացառությամբ` Արին-Բերդի փողոցի և նրբանցքների, Արցախի պողոտայի և Սարի Թաղի փողոցների,

·​ Կենտրոն վարչական շրջան` Օստրովսկու, Գլինկայի, Ծխախոտագործների, Ծատուրյան, Զավարյան փողոցների և նրբանցքների, Ալեք Մանուկյան փող. 1, 4/2, 17, Նար-Դոսի փող. 1-ից-40, Քրիստափորի փող. 1-ից-15, Խորենացու փող. 28-ից բարձր համարների եւ 3-րդ փակուղու, Տիգրան Մեծի պող. 12-ից-80 համարների ևնրբանցքի, Երևանի ոստիկանության վարչության և Ազգային անվտանգության ծառայության վարչական շենքերի,

·​ Շենգավիթ վարչական շրջան` Արշակունյաց պողոտայի, Գ.Նժդեհի, Շահամիրյան, Ֆրունզեի, Ս.Սարգսյան, Մայիսի 9-ի, Մխչյան, Կոտովսկու, Մուսայելյան, Պատկանյան, Մադոյան, Օդեսայի, Հրազդանի, Սմբատ Զորավարի, Ղարիբջանյան, Եղբայրության, Մանթաշյան, Մանանդյան, Շևչենկոյի, Նիզամու, Մասիսի, Վերին Շենգավիթի 1-ին, 2-րդ փողոցների ու նրբանցքների, Արին-Բերդի փող. 3-րդ եւ 5-րդ նրբանցքների, Չեխովի փող. 1-ից-21, Բագրատունյաց փող. 41-ից բարձր համարների, Ներքին Շենգավիթ, Նոր Խարբերդ այգեգործական թաղամասերի,

Շենգավիթ վարչական շրջանի մյուս հատվածներում կդադարեցվի 3-ից բարձր հարկերի ջրամատակարարումը:

·​ Արարատի մարզ` Բարձրաշեն, Դիտակ, Ջրաշեն, Նոր Խարբերդ գյուղերի և անմիջապես ջրատարից սնվող մյուս տարածքների:

«Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար», – նշվում է «Վեոլիա Ջուր» ընկերության տարածած հաղորդագրության մեջ։–0–