ՀՀ նախագահը ներկայացրել է Վերահսկիչ պալատի ղեկավարի պաշտոնի նոր թեկնածուին
ԵՐԵՎԱՆ, 27 փետրվարի. /ԱՌԿԱ/. ՀՀ նախագահ Սերժ Սարգսյանը ներկայացրել է Վերահսկիչ պալատի ղեկավարի պաշտոնի նոր թեկնածուին, երկուշաբթի ԱԺ նիստի ընթացքում ասաց ԱԺ խոսնակ Գալուստ Սահակյանը։
Նա հիշեցրեց, որ ՀՀ ՎՊ նախկին ղեկավար Իշխան Զաքարյանը հրաժարական է տվել փետրվարի 9–ին։
«Հրաժարականի դիմումի ներկայացումից հետո ՎՊ ղեկավարին տրամադրվել է 15–օրյա ժամկետ իր դիմումը հետ կանչելու համար, ինչը տեղի չի ունեցել։ Հետևաբար, խորհրդարանն ընդունում է նրա հրաժարականը։ Ուզում եմ նշել, որ նախագահն արդեն ներկայացրել է Վերահսկիչ պալատի նախագահի պաշտոնի նոր թեկնածուին` Լևոն Յոլյանին», – նշեց Սահակյանը։
Յոլյանը 2016 թ.–ի փետրվարին նշանակվել էր ՀՀ էներգետիկայի և բնական պաշարների նախարար, դրանից առաջ զբաղեցրել է ՀՀ ՎՊ փոխնախագահի պաշտոնը։
Իշխան Զաքարյանը 2007 թ.–ից զբաղեցրել է Վերահսկիչ պալատի նախագահի պաշտոնը։
Այս տարվա հունվարին նա գլխավորեց «Ծառուկյան դաշինքի» շտաբը ապրիլի 2–ին նախատեսված խորհրդարանական ընտրությունների նախաշեմին։ –0–