ՀՀ քաղաքացիներն այլևս չեն տուգանվի անվավեր անձնագրով կամ առանց անձնագրի բնակվելու դեպքում
03.10.2017,
20:11
Անձը չի կարող ենթարկվել վարչական պատասխանատվության, եթե կորցրել է անձնագիրը և ցանկանում է ստանալ նորը։
ԵՐԵՎԱՆ, 3 հոկտեմբերի. /ԱՌԿԱ/. ՀՀ քաղաքացիներն այլևս չեն տուգանվի անվավեր անձնագրով կամ առանց անձնագրի բնակվելու դեպքում, հաղորդել է ՀՀ ոստիկանության անձնագրային և վիզաների վարչության պետ Մնացական Բիչախչյանը։
«Եթե լրացել է ՀՀ քաղաքացու անձնագրի վավերականության ժամկետը, այն փոխանակելու դեպքում քաղաքացին չի կարող ենթարկվել պատասխանատվության: Նախկինում անվավեր անձնագրով կամ առանց անձնագրի բնակվելու դեպքում Վարչական իրավախախտումների վերաբերյալ ՀՀ օրենսգրքով նախատեսված էր վարչական պատասխանատվություն», – գրել է Բիչախչյանը Facebook–յան իր էջում։
Նա նաև նշել է, որ նույնկերպ անձը չի կարող ենթարկվել վարչական պատասխանատվության, եթե կորցրել է անձնագիրը և ցանկանում է ստանալ նորը։–0–
