Հայաստանում առաջիկա օրերին կանխատեսվում է անձրև ու ամպրոպ

ԵՐԵՎԱՆ, 6 հուլիսի. /ԱՌԿԱ/. Հայաստանի մարզերից շատերում և Երևանում հուլիսի 6–10–ը օրվա երկրորդ կեսին և գիշերը կանխատեսվում է կարճատև անձրև ու ամպրոպ, առանձին շրջաններում հնարավոր է կարկուտ, հաղորդում է Հայպետհիդրոմետը։

Քամին կլինի հարավ–արևմտյան` 2–7 մ/վ արագությամբ, ամպրոպի ժամանակ հնարավոր է քամու ուժգնացում` 20–25 մ/վ։

Օդի ջերմաստիճանը հանրապետության տարածքում էապես չի փոխվի։ Մայրաքաղաքում առաջիկա հինգ օրը ջերմաստիճանը ցերեկային ժամերին կտատանվի +30..+33 աստիճանի սահմանում։ –0–