Հայաստանում սեպտեմբերին էժանացել են պարենային ապրանքները և խմիչքը, իսկ ալկոհոլը և ծխախոտը թանկացել
ԵՐԵՎԱՆ, 11 հոկտեմբերի. /ԱՌԿԱ/. Հայաստանում սպառողական գները 2019 թ.-ի սեպտեմբերին` 2018 թ.-ի նույն ժամանակահատվածի համեմատ աճել են 0,5%-ով: Այդ մասին վկայում են Ազգային վիճագրական կոմիտեի տվյալները:
Միաժամանակ 2019 թ.-ի հունվար-սեպտեմբերին սպառողական գների ինդեքսը` 2018 թ.-ի նույն ժամանակահատվածի համեմատ, կազմել է 1,6%:
Ըստ կոմիտեի տվյալների, հաշվետու ժամանակահատվածում 1,4%-ով նվազել են պարենային ապրանքների և ոչ ալկոհոլային խմիչքների գները:
Միաժամանակ ալկոհոլային և ծխախոտային արտադրանքի գները աճել են 4,7%-ով: Հագուստի և կոշկեղենի գները 2019 թ.-ի սեպտեմբերին` 2018 թ.-ի նույն ժամանակահատվածի համեմատ աճել են 9%-ով, իսկ կոմունալ ծառայությունների գները` 1%-ով:
Առողջապահության ոլորտում գների բարձրացումը կազմել է 1,4%, տրանսպորտի`2,2%, կրթության` 3,7%, ռեստորանային և հյուրանոցային ոլորտներում` 1,6%, իսկ տարբեր ապրանքների և ծառայությունների`0,4%:
