Փաշինյանը զայրացել է Հայաստանի դրոշի նկատմամբ անպատշաճ վերաբերմունքից
09.04.2019,
14:26
Վարչապետն այսօր առավոտյան այցելել է Արարատի մաքսատուն և դժգոհ է մնացել տիրող իրավիճակից:
ԵՐԵՎԱՆ, 9 ապրիլի. /ԱՌԿԱ/. Հայաստանի պետական կառավարման համակարգում չի կարող աշխատել գեթ մեկ մարդ, ով Հայաստանի պետական դրոշը գցել է ոտքերի տակ: Այդ մասին Facebook-ի իր էջում գրել է վարչապետ Նիկոլ Փաշինյանը:
«Եթե պետք լինի տասնյակ հազարավորների ազատել աշխատանքից՝ կազատեմ: Բայց նման վերաբերմունք պետական դրոշի նկատմամբ չեմ հանդուրժի: Եւ վերջ», - հավելել է նա:
Վարչապետն այսօր առավոտյան այցելել է Արարատի մաքսատուն և դժգոհ է մնացել տիրող իրավիճակից, մասնավորապես, սանիտարական պայմաններից և պետական խորհրդանիշների հանդեպ վերաբերմունքից:-0-
