Վաղվանից Երևանի մետրոպոլիտենի ուղևորներն իրենց երթևեկը կսկսեն նոր ժետոններով
24.09.2019,
16:01
Քաղաքացիներն ու ուղևորներն, ովքեր ունեն հին նմուշի ժետոններ, կարող են մոտենալ կայարանների դրամարկղեր և հինը փոխարինել նորով։
ԵՐԵՎԱՆ, 24 սեպտեմբերի./ԱՌԿԱ/. Սեպտեմբերի 25-ին՝ ժամը 07։00-ից, Երևանի մետրոպոլիտենի ուղևորներն իրենց երթևեկը կսկսեն մետրոպոլիտենի նոր ժետոններով, հաղորդում է մետրոպոլիտենի մամուլի ծառայությունը։
Նշվում է, որ այն քաղաքացիներն ու ուղևորներն, ովքեր ունեն հին նմուշի ժետոններ, կարող են մոտենալ կայարանների դրամարկղեր և հինը փոխարինել նորով։
Երևանի Կարեն Դեմիրճյանի անվան մետրոպոլիտենը հիմնադրվել է 1981թ.–ին։ Հիմա Երևանում գործում է մետրոնի 10 կայարան։ Մետրոպոլիտենիբ բոլոր գծերի ընդհանուր երկարությունը 13,4 կմ է։–0–
