Երևանում հանգստյան օրերին կսահմանափակվի որոշ ճանապարհահատվածների երթևեկը. քաղաքապետարան
13.05.2016,
17:37
Երևանում մայիսի 14-ին և 15-ին կսահմանափակվի որոշ փողոցների և ճանապարհահատվածների երթևեկը։
ԵՐԵՎԱՆ, 13 մայիսի. /ԱՌԿԱ/. Երևանում մայիսի 14-ին և 15-ին կսահմանափակվի որոշ փողոցների և ճանապարհահատվածների երթևեկը, հաղորդում է Երևանի քաղաքապետարանի մամուլի ծառայությունը:
Այսպես, Մյասնիկյան պողոտայի ասֆալտբետոնե ծածկի վերանորոգման աշխատանքներով պայմանավորված, մայիսի 14-ին ժամը 06:00-ից փակ կլինի Հերացի փողոցից դեպի Գայի պողոտա բարձրացող ճանապարհահատվածը, իսկ մայիսի 15-ին ժամը 06:00-ից փակ կլինի Մյասնիկյան-Աճառյան ուղետարի հարակից տարածքից ներքև իջնող հատվածը:
Քաղաքապետարանն իր ներողամտությունն է հայցում պատճառվող ժամանակավոր անհարմարությունների համար: -0-
